ავეჯის კომპანია ევერვუდი • EVERWOOD – ავეჯის დამზადება, სამზარეულოს ავეჯი, საძინებლის დამზადება, კარადების დამზადება, საოფისე ავეჯი.

სამზარეულოს დამზადება

სამზარეულოს დამზადება კომპლექსური პროცესია, თუმცა ევერვუდში ჩვენი პროფესიონალი თანამშრომლებისა და თანამედროვე ტექნოლოგიების დახმარებით ავეჯის დამზადების პროცესს მარტივსა და ეფექტურს ვხდით მომხმარებლისთვის. ამ გვერდზე ჩვენ აგიხსნით როგორ ვაკეთებთ ამ ყველაფერს, ჩვენთან ურთიერთობის გაგრძელებისთვის აუცილებელია რომ დეტალურად გაეცნოთ ამ გვერდს.

1. ვიზიტი და სამზარეულოს აზომვა

ჩვენ კვ.მ ფასს ვერ გეტყვით, რადგან ავეჯის ფასი ბევრ დეტალზეა დამოკიდებული. მას შემდეგ რაც გამოხატავთ დაინტერესებას, მოგვწერთ სოც ქსელში, შეავსებთ ფორმას, მოგვწერთ ელ.ფოსტაზე თუ პირდაპირ დაგვირეკავთ ნომერზე – ჩვენი კომუნიკაციის მენეჯერი დანიშნავს თქვენთან ვიზიტს, სადაც ჩვენი დიზაინერი ადგილზე გესტუმრებათ. სტუმრობის დროს გამოგკითხავთ ყველა დეტალს, აზომავს სივრცეს, გააკეთებს ყველა საჭირო ჩანახატსა და მონიშვნას. ამის შემდეგ ჩვენ გეტყვით მიახლოებით ფასს.

2. დიზაინი და არჩევანი

თუ ჩვენს მიერ ნათქვამი მიახლოებითი ფასი მოგწონთ, დიზაინერი კვლავ უფასოდ გადავა უშუალოდ 3D ვიზუალის შექმნაზე, იქმნება საერთო ჩატი სადაც ყოველი დეტალი თქვენს, დიზაინერსა და საწარმოს წარმომადგენელს შორის თანხმდება, რომ ვიზუალურად მიიღოთ სასურველი შედეგი და ფინანსურად ბიუჯეტი არ გაცდეს შეთანხმებულ ჩარჩოს. დაახლოებით 3-4 სამუშაო დღეში დგება დიზაინი და კეთდება ყველა ტექნიკური არჩევანი მასალებისა და მექანიზმების შესახებ.

3. ბიუჯეტი და შეკვეთა

თქვენს მიერ გაკეთებული არჩევანის მიხედვით დგება დეტალური ბიუჯეტი, სადაც ხაზ-ხაზ არის გაწერილი ავეჯის თითოეული ხარჯი, როგორც მასალის, ისე ხელობის, კომპანიის მოგება კი მერყეობს 30%-დან 50%-მდე, რა თქმა უნდა თუ პროექტი დიდი მოგების მარჟა დაბალია. ჩვენი კომპანიის მიდგომაა სრული გამჭვირვალობა, პატიოსანი და მდგრადი მიდგომა ბიზნესისადმი, შესაბამისად სწორი ბიუჯეტირება შეთანხმების ყველაზე მნიშვნელოვანია კომპონენტია. შეთანხმების საგანია გაუთვალისწინებელი ხარჯები 5-8% ოდენობით.

4. ავეჯის წარმოება

თქვენი ჩართულობა გრძელდება წარმოების პროცესშიც, საწარმოს წარმომადგენელი დრო და დრო აზიარებს პროგრესს საერთო ჩატში, სადაც თქვენ კიდევ ერთხელ ადასტურებთ ფერებს, მექანიზმებს, კონფიგურაციას და სხვა დეტალებს. ეს მიდგომა უზრუნველყოფს, რომ წარმოების დასრულებისას საბოლოო პროდუქტი მეტწილად შეესაბამება თქვენს მოლოდინებს.

5. აწყობა და ჩაბარება

ბოლო ნაბიჯია დამზადებული ავეჯის ტრანსპორტირება და ადგილზე აწყობა. ეს პროცესი 2-3 დღე გრძელდება, სადაც ყველა დეტალის დელიკატური ინსტალაცია ხორციელდება, რომ მრავალი წლის მანძილზე უპრობლემოდ მოიხმაროთ დაყენებული ავეჯი. იმ შემთხვევაში თუ დროთა განმავლობაში მოხდება გარკვეული დეფორმაცია გარე მიზეზების გამო, ჩვენი გუნდი ყოველთვის მზადაა დაბრუნდეს და უფასოდ მოახდინოს შესწორება, შეკეთება და ახალი სახის დაბრუნება.